Wikiquote:Wikikawikaan

Mga Patakaran at Panuntunan ng Wikikawikaan
Nilalaman
Wikikawikaan Maligayang Pagdating! Pangkalahatang pagtatanggi Patakaran sa paggamit ng larawan Walang kinikilingang pananaw Mga kawikaan ng mga buhay na tao Hindi ito Wikikawikaan Mga kategorya ng pinagmulan (panuntunan) Mga kathang-isip na tauhan (panuntunan) Pagkakarapat-dapat maging kawikaan (panuntunan)
Asal
Ipagpalagay ang mabuting hangarin (panuntunan)
Operasyon
Patakaran sa pagharang Mga bot Patakaran sa pagbura GNU FDL Mga patakaran at panuntunan Iminumungkahing pagbura Mabilisang pagbura Patakaran sa pangalan ng tagagamit Babel (panuntunan) Stub (panuntunan)

Ang Wikikawikaan ay isang malaya at online na kalipunan ng mga kawikaan mula sa mga kilalang tao at malikhaing akda sa lahat ng wika, mga salin ng mga kawikaan na hindi Ingles, at mga kawing patungo sa mga artikulo sa Wikipedia para sa karagdagang impormasyon.

Ano ang mga kawikaan?

Ang mga kawikaan ay sabay na karaniwan at dakila. Anuman ang pilosopikal na paninindigan, bansa, lahi, o relihiyon ng pinagmulan ng mga ito; maging seryoso man o pabiro; maging bantog o kilabot, kontrobersyal o ipinagbubunyi ang mga lumikha ng mga ito. Ang mga kawikaan ay ang esensya ng karunungang pinino sa iilang maingat na piniling salita.

Maaari nila tayong hikayatin na hanapin ang pag-unawa sa kanilang mga lumikha, na isaalang-alang ang sarili nating buhay, na tumawa, o basta humanga sa kanilang kahusayan sa wika. Sa anumang paraan natin gamitin ang mga ito, ang mga kawikaan ay nagbubuod ng sama-samang kaunawaan ng lipunan, isang pamana ng kaalamang ipinapasa, mula sa isang henerasyon tungo sa susunod.

Ang Wikikawikaan ay isang tumpak at malawak na koleksyon ng mga kilalang kawikaan.

• Tumpak:Nagsusumikap ang Wikikawikaan para sa katumpakan. Sinisikap naming banggitin ang mga pinagmulan, mas mabuti yaong mga pinagmulan kung saan unang lumitaw ang kawikaan, kung hindi man ay ang kilalang pagkakabansag nito. Sinisikap naming hanapin ang mga kawikaang mali ang ibinabansag, wastong idokumento ang mga ito, at, kung posible, alamin ang dahilan ng maling pagkakabansag.

• Malawak:Ang Wikikawikaan ay inklusibo, at naghahanap ng mga kawikaan mula sa marami at magkakaibang tao, akdang pampanitikan, pelikula, monumento, lapida, at iba pa. Isinasama namin ang mga kawikaan mula sa kasalukuyan at nakaraan, at mula sa lahat ng lugar.

• Kilala: Limitado lamang kami sa mga kawikaang kilala. Ang isang kawikaan ay maaaring maging kilala dahil nakamit nito ang katanyagan dahil sa pangmatagalang kaugnayan sa maraming tao, o dahil iniuugnay ito sa isang kilalang indibidwal, o dahil lumitaw ito sa isang kilalang akda.

• Mga Kawikaan: Ang Wikikawikaan ay koleksyon ng mga kawikaan. Para sa pagkakumpleto, dapat may maikling introduksyon ang mga artikulo tungkol sa paksa, konteksto, o pinagmulan. Gayunpaman, ang pangunahing layunin ay maisama ang mga kawikaan.

Tingnan din

• Wikiquote:Quotability, patnubay sa pagtukoy kung ang isang kawikaan ay dapat lumitaw sa Wikikawikaan.